حكاية كلبون بدات نهار جا قدّام دارنا… كان ضايع، تاعب، و حلاتو تكسّر القلب، كأنو الدنيا الكل خذلتو. ما كانش نقاش، خليتلو باب الدار… ومن عادي بدات الحكاية. شوية بشوية، كلبون ولى واحد منّا… رجعلو الروح، تبدّل، وولا يعيش معانا كل لحظة، ما يفارقناش، كأنو ديما كان موجود في دارنا. اليوم، كلبون موش مجرد كلب… هو الونس، هو الحنان، هو روح في الدار. حتى في أهم لحظاتي، نهار خطيبتي، كان حاضر جنبي… قريب لقلبي، كأنو يقولّي: “أنا ديما معاك”. وهكّا، من كلب ضايع… ولى كلبون، فرد من العايلة 💛